Në rast se ju kafshon qeni endacak mund të kërkoni dëmshpërblim nga qyteti i Shkupit dhe “Higjiena komunale”. Në adresën e autoriteteve të qytetit në dy vitet e fundit janë dorëzuar 68 padi përmes të cilave kërkohet kompensim i dëmit të shkaktuar nga një qen endacak.
Shuma e dëmshpërblimit lëviz nga 60.000 në 180.000 denarë, varësisht nga mosha, shkalla e lëndimeve, pasojat nga lëndimet, shkruan “Gazeta Nezavisen”, transmeton aktuale.mk.
Paditë bazohen në nenin 10 të Ligjit për Qytetin e Shkupit.
Deri më tani janë iniciuar 68 procedura, disa tashmë janë përfunduar dhe disa janë në vazhdim e sipër dhe është shumë e vështirë të përcaktohet saktësisht se sa dëmshpërblim është paguar mbi këtë bazë, informojnë nga Qyteti i Shkupit.
