Drejtoria e të Ardhurave Publike të Maqedonisë ka nxjerrë në përdorim edhe aplikacionin për telefona të mençur, të prodhuar nga Apple, me sistemin operativ iOS.
“Tatimi im” është aplikacion nëpërmjet të cilit qytetarët do të mund të skanojnë llogaritë fiskale dhe për të njejtat të marrin 15% nga TVSH-ja.
Shembull, për të kthyer 600 denarë prej TVSH-së ju duhet të harxhoni 26.600 denarë
Tanja Lukarevska, e para e DAP-it, më herët ka thënë se qytetarët në ditët e para kanë pasur problem me skanimin e barkodëve por kjo vjen nga problemi i kompanive me printerët. “Kompanitë duhet të kujdesen për të mbajtur në servis të rregullt printerët dhe kasat fiskale që qytetarët të mos kenë problem me llogaritë fiskale gjatë skanimit” shton Lukarevska.
