Dega e Bashkimit Demokratik për Integrim në Komunën e Vrapçishtit përmes një shkrimi në faqen e tyre zyrtare në Facebook kanë reaguar kundër hakmarrjes politike që siç thonë ata bëhet nga ana e Aleancës për Shqiptarët me në krye Isen Shabani.
Më poshtë e keni reagimin e degës së BDI- komuna e Vrapçishtit:
HAKMARJE POLITIKE -Pas pranimit të 10-tra punëtorëve fiktiv-politik në Komunën e Vrapçishtit fillon hakmarrja ndaj administratës së rregullt me vendime pune, duke i nënçmuar e degraduar edhe me urdhëresa qesharake që si njeh ligji për administratë publike.
Duke e ditur që këta urdhëresa i shkruan një pensionist-komunist opinioni veç më e ka të qartë se çka bëjnë në fakt këto hiena në krye me Aleancën për Vmro-në. Dokumenti në fjalë zbulon se në fshatrat e malësisë në lartësi mbi detare 800m e më lart ka ndotje të ambientit.
