Për dallim prej kryeprlamentarit Talat Xhaferi, i cili ka njohur vetëm pesë prej 10 sulmuesve të akuzuar, ministri për shoqëri informatike dhe për administratë, Damjan Mançveski kishte pasqyrë më të qartë për dhunën dhe rrahjet në sallë më 27 prill dhe i njohu dhunuesit e Zijadin Selës mes të akuzuarve.
Rrahja e Selës ka nddhur në mes të sallës, tregoi Mançveski duke u paraqitur në cilësinë e dëshmitarit në Gjykatën Themelore Shkup 1.
“Të gjithë këta 10 të akuzuar i pashë në sallë”, tha Mançveski dhe përshkruajti se si e kanë goditur Selën të shtrirë në tokë me grushta e me shqelma dhe se si trupi i tij është përpëlitur nga goditjet duke dhënë shenjat e fundit të jetës.
“Në një moment shpallën se Sela është i vdekur dhe filluan të festojnë mbi trupin e shtrirë të tij. Mbaruan me të, u nisën drejt Zoran Zaevit. Bënë një varëse për ta varur”, dëshmoi Mançveski, transmeton Gazeta Lajm.
Ai theksoi se një pjesë e 10 të akuzuarve për tentim vrasje të Selës, e kanë rrahur edhe vetë Mançveskin.
“Nuk e di individualisht se kush çka i bëri Selës, por e di se çka më bënë mua. Qi që ishte më agresiv ndër të tjerët, me plagë në kokë dhe gjak në trup nuk është mes 10 të akuzuarve”, tha Mançveski.
