Një furgon i cili po bartë udhëtarë në realicionet urbane (qytet-qytet), ka mbetur pa njërën rrotë në mes të bulevardit në lagjen Gjorçe Petrov të Shkupit, raporton gazeta KOHA.
Pasi që furgoni ka mbetur pa njërën rrotë në lëvizje, ka vazhduar lëvizjen për disa metra, ndërsa ka shkaktuar panik te pasagjerët dhe pasiguri në mesin e pjesmarrësve në komunikacion të cilët u gjetën në atë moment në vendngjarje.
Në videon e cila qarkullon në rrjetet sociale, shihet qartë se si furgoni që po bartë udhëtar mbetet pa njërën rrotë në mes të bulevardit tek rreth-rrotullimi në lagjen Gjorçe Petrov, ndërsa rrota po rrotullohet nëpër bulevard.
