Gjëja më e bukur në jetë për një femër?

Nuk ka gjë më të bukur se sa të gjesh dikë që mbi gjithçka, të të mbajë pranë, pavarësisht të metave, luhatjeve të humorit, defekteve dhe budallallëqeve që ti mund të bësh. Gjesh dikë që të tregojë botën e tij, që të mbajë pranë dhe mund të thuash me bindje se ke gjetur thesarin e jetës.

Nuk do të jetë e lehtë. Ti mund të njohësh shumë persona të gabuar, sepse jeta kështu është. Para se të dhurojë të mirat, ajo të bën të përballosh të këqijat. Por në fund, do ta shohësh se ajo ka qenë gjëja më e bukur që mund të ndodhte ndonjëherë, dhe ke për ta harruar çdo të keqe që jeta të ka bërë të përballosh më parë.

Unë lutem që Zoti të bekojë çdo mashkull, i cili e di mirë çfarë kërkon dhe nuk ndalet përpara një përgjigjeje “Jo” të një femre. Lutem të bekojë këdo që të vjedh puthje, duke të shtrënguar nga beli.

Lutem që Zoti të bekojë meshkujt që i trajtojnë femrat me durim dhe dashuri dhe që dinë t’i shprehin siç duhet gjërat që duan. Ata që, nëse duan të thonë diçka, ta thonë duke të parë në sy.

Lutem që Zoti të bekojë ata që u blejnë femrave të tyre lule dhe u hapin derën e makinës; ata që nuk të pyesin “Ku po shkon?”, por “Ku je?” që të të shoqërojnë; ata që i mbajnë premtimet dhe bëjnë premtime që munden t’i mbajnë; ata që nuk turpërohen kur të thonë “Më mungon”; ata që mund të përmirësohen në prezencën tënde, por duke i mbajtur vlerat që kanë.

Zoti i bekoftë ata meshkuj që zgjedhin femrat e duhura dhe i duan për të metat dhe virtytet e tyre! Lutem që ti të gjesh dikë të tillë!