Qeveria e Maqedonisë miratoi vendimin për punësim në kohë të pacaktuar në shkollat fillore dhe të mesme.
“Në seancën e fundit Qeveria pranoi informacionin për punësime në shkollat fillore dhe të mesme dhe mori vendim që Ministria e Arsimit dhe Shkencës të kërkojë miratimin nga Ministria e Financave për punësimin e personave për kohë të pacaktuar të punës në arsimin fillor dhe të mesëm, për vende pune ku do të realizohet orari i plotë i punës”, thuhet në kumtesën e Qeverisë. Janë me mijëra të punësuar nëpër shkolla dhe institucione arsimore që me vite punojnë dhe nuk kanë vendime të pacaktuara të punës. Marrëdhënia e tyre e punës ka qenë me kontrata njëvjeçare. 
