Ministria e Drejtësisë do ti takoj LSDM-së, ndërsa BDI do të marrë Ministrinë e Arsimit dhe Shkencës. Këto dy dikastere do të ndërrohen mes partnerëve të koalicionit, mëson televizioni “1TV”, duke u thirrur në burime qeveritare.
Por nga ana tjetër nuk dihet ende se kush do të largohet nga postet e ministrave, pasi që një gjë e tillë është paralajmëruar se do të ndodhë sidomos me ministrat e LSDM-së, por kjo nuk do të lë pa prekur edhe BDI-në.
Ajo që është definitive se Lëvizjes BESA do ti ofrohet posti i zv/kryeministrit për reforma dhe ministria pa resor, që e mbante Ramiz Merko, por në lojë është edhe ministria pa resor për transparencë dhe media.
