Mediumet serbe:Kjo do të jetë marrëveshja mes Kosovës dhe Serbisë e finalizuar nga Donald Trump

Plani i Paqes për Lindjen e Mesme u prezantua para disa ditësh nga Donald Trump me shumë pompozitet. Ai tha se nuk ishte president i ShBA-ve për t’u marrë me çështje të vogla. E ndërkohë, marrëveshjet Kosovë-Serbi vazhdojnë të bëhen me Richard Grenellin, të dërguarin e Trumpit si njeriun kryesor. Borislav Kashanski ka publikuar planin e pretenduar të Trumpit për marrëveshjen Kosovë-Serbi. Sipas informatave të Telegrafit serb nga qarqet diplomatike, planin për zgjidhjen e kontestit shumëdekadësh ndërmjet Izraelitëve e palestinezëve e kanë hartuar njerëzit e njëjtë që kanë vizatuar konturat e strategjisë amerikane për zgjidhjen e raporteve midis Beogradit e Prishtinës, që këto ditë nis të realizohet nga i dërguari special i Trumpit, Richard Grenell. Amerikanët e kanë dërguar Grenellin që të heq taksën dhe t’ia bashkojë Serbisë veriun e Kosovës. Kjo është paralelja midis dy marrëveshjeve, e cila duket kështu: Izraeli-Palestina (Ripërcaktimi i kufijve, palestinezët fitojnë shtetin, Kryeqyteti i Palestinës Jerusalemi Lindor, ndërsa i Izraelit Jerusalemi, Izraeli mban vendbanimet e veta në Bregun Perëndimor. Statusi i deritashëm i vendeve të shenjta do të mbetej edhe më tutje i pandryshuar. Hebrenjve nuk do t’u lejohej të blinin shtëpitë e arapëve dhe anasjelltas. Marrëveshja do të mbështetet financiarisht me miliarda dollarë, në radhë të parë nga SHBA. Kufiri në mes të Palestinës dhe Izraelit do të jetë i hapur për lëvizje të qytetarëve dhe të mallrave, do të ndërtohet një tunel që lidhë Bregun Perëndimor me Bregun e Gazës).

Marrëveshja Beograd-Prishtinë (Rikufizimi, Serbisë i mbetet pjesa veriore e Kosovës – Mitrovica në njëfarë dore bëhet një lloj Jerusalemi, e ndarë ndërmjet shqiptarëve dhe serbëve, ose do të marrin status special të distrikteve. Serbia mban komunat në veri të Kosovës, ashtu sikurse Izraeli të vendbanimeve të veta në Bregun perëndimor. Mbrojtja e veçantë dhe statusi eksterritorial për vendet e shenjta serbe jashtë veriut të Kosovës. Shqiptarët nuk do të mund të blejnë shtëpitë serbe dhe anasjelltas). Po ashtu është planifikuar Pakoja ekonomike, posaçërisht për veriun aktual të Kosovës, para së gjithash për ndërtimin e infrastrukturës dhe të uzinave prodhuese. Të sigurohen para, do të thirret konferencë ndërkombëtare, Amerika sjell investitor të rinj në Serbi e në Kosovë. Kufiri midis Kosovës e Serbisë (pjesa veriore e Kosovës) do të jetë i hapur për lëvizje të qytetarëve e të mallrave, pa qëndrim të gjatë. 

Loading...
loading...











Loading…


loading…