Gjykata Administrative hodhi poshtë 16 ankesat e partive politike lidhur me parregullsëi zgjedhore gjatë raundit të dytë zgjedhor në Strugë, Tetovë dhe Çair. Aleanca për Shqiptarët pas refuzimit të ankesave të saj në KSHZ kishte dërguar 11 padi në këtë gjykatë me kërkesën për rivotime për shkak të parregullsive. BESA kishte dërguar 4 padi dhe një padi nga Lëvizja Popullore.
Paraprakisht, Komisioni Shtetëror i Zgjedhjeve në mbledhje i hodhi poshtë të gjitha ankesat e parashtruara për rrethin e dytë të zgjedhjeve lokale. Pas këtyre vendimeve pritet që ASH dhe Lëvizja BSA të dalin me reagimet e tyre. 
