“Të premten do ta dimë se a do ta kemi dy të tretën e shumicës”, tha Muhamed Zeqiri në emisionin “Top Tema”.
Zeqiri në debat ku përballë kishte deputetin e OBRM-PDUKM-së, Igor Janushev, tha se Kuvendi është i vetmi vend i cili mund ta ndryshojë Kushtetutën, ku shtoi se, ai i respekton ligjet dhe se referendumi ka qenë konsultativ.
“Nëse nuk arrin Kuvendi, do të shkojmë në zgjedhje, këto janë opsionet që kemi para, nuk ka të tretë”.
Ndërsa Janushev tha se “marrëveshja është e vdekur dhe e pasuksesshme. Jam i sigurt në qëndrimin tonë dhe se deputetët nga opozita do të jenë të qëndrueshëm. Qytetarët thanë se marrëveshja është e vdekur, jo opozita”.
