Liderët e partive politike në vend, tashmë kanë filluar takimin e përbashkët në vilën Vodno, të thirrur nga presidenti Stevo Pendarovski, pas mos marrjes së datës për nisjen e bisedimeve me Bashkimin Evropian, raporton KOHA.
Në takim marrin pjesë kryeministri dhe lideri i LSDM-së, Zoran Zaev, i VMRO_DPMNE-së, Hristijan Mickoski, BDI-së, Ali Ahmeti, PDSH-së, Menduh Thaçi, Aleancës për Shqiptarët, Ziadin Sela, Lëvizjes Besa, Bilall Kasami si dhe nga partia Alternativa, Afrim Gashi. Në takim pos dështimit për datën, liderët pritet të bisedojnë edhe për zgjedhjet e parakohshme parlamentare, të cilat një ditë më parë i kërkoi kryeministri Zoran Zaev.
