Kanë kaluar më shumë se 24 orë nga tërmeti i fuqishëm që goditi vendin, mëngjesin e së martës. Për fat të keq, numri i njerëzve që kanë humbur jetën nën rrënoja, është rritur.

Sipas burimeve zyrtare, janë shënuar 26 viktima, ndërsa në media thuhet se numri I tyre ka shkuar deri në 31. Ekipet e shpëtimit, nuk janë ndalur për asnjë moment, me mjetet e posaçme, shoqëruar edhe nga ekipet e huaja specialistë, duke kërkuar për njerëz të humbur nën rrënoja. Situata problematike, paraqitet në Thumanë, dhe në zonën e Kënetës.