Shaban Murtishi, nënkampion Shtetëror në Karate për Senior

Sot, e shtunë (24.02.2018) në Shtip, u zhvillua Kampionati Shtetëror në karate për senior. Në këtë kampionat me një sportist u paraqit edhe Klubi i Karatesë “Drini” nga Struga.
Sportisti i mirnjohur Strugan, Shaban Murtishi garoi në kategorinë -60 kg. Në këtë kategori ishin të paraqitur 6 sportistë nga klube të ndryshme.
Në duelin e parë shorti i ra me garuesin Goran Nikolovski (k.k Metalurg) të cilin e fitoi me rezultat 2:0. Në duelin e dytë u takua me sportistin nga k.k Shkëndija Albion Idrizi, të cilin e fitoi me rezultat 4:0 dhe me këtë fitore u plasua ne finale të këtij kampionati. Në finale u takua me sportistin vendas Emil Pavlov, fitorja në këtë duel i takoi Pavlovit me rezultat 2:0.
Jam shumë i kënaqur me paraqitjen dhe formën e treguar të sportistit tim Sh. Murtishi.
Tani na presin edhe shumë aktivitete, siq është Kampionati Ballkanik, që këtë vit do të zhvillohet më 24-25 mars në Stamboll të Turqis dhe më të mirët nga këto dy aktivitete, do të kualifikohen për kampionatin Evropian në karate që do të zhvillohet në muajin Maj, në Serbi.

In : Aktuale

Loading...
loading...