Objektivi i vendosur duket se do të mbyllet më sukses. FC Albania Cyrih, ekipi shqiptar i liges së katër të Cyrihut – Grupi i 6-të duket se do ta mbaj deri në fund vendin e parë në tabelë, me çka do të siguronte ngjitje një lige më lartë, gjegjësisht në ligen e 3-të, përcjellin RadioVala dhe Albsport.ch.
Takimet e fundit nuk i ka aspak të lehta. Tre nga katër kundërshtarët janë ekipe të pjesës së epërme të tabelës, kurse takimi me FC Seebachun mund të jetë vendimtare ngaqë është konkurrent për vendin e parë.
Të Dielën me 6 Maj, në ora 11:30, FC Albania pret FC Schwamendingen, një mundësi për të arkëtuar tre pikët e radhës ekipi shqiptar i trajnerit Shpend Latifi.
