Ka shënuar rritje numri i pushimeve mjekësore që zviceranët po marrin për shkak të stresit nga puna dhe probleme të tjera mentale. Për 35 për qind është rritur në pesë vitet e fundit numri i atyre që marrin pushim për shkak të stresit në Zvicër.
Ditët që merren pushim për shkak të këtyre rasteve po tregojnë për një situatë alarmante në lidhje me shëndetin psikik, raportojnë mediat zvicerane.
“Shumë punëtorë nuk po mund ta përballojnë stresin dhe presionin e punës”, ka thënë zëdhënësi i sindikatës zvicerane të punëtorëve.
Mirëpo, federata e punëdhënësve ka pohuar se prapa kësaj dukurie qëndrojnë probleme familjare apo varësi të ndryshme.
