Policia e Kosovës ka arrestuar të dyshuarin i cili gjatë përpjekjes që t’i tremb disa pëllumba mbi kulmin e shtëpisë, nga pakujdesia me pistoletë e kishte qëlluar në këmbë djalin e tij, i cili ka pësuar lëndime të lehta trupore dhe ka pranuar tretman mjrkësor, njofton Klan Kosova.

Nga i dyshuari është konfiskuar pistoleta me një karikatorë dhe 15 diabolla kalibër. 4.5 mm.

Pas intervistimit i dyshuari me urdhër të prokurorit është liruar në procedurë të rregullt.

Rasti ka ndodhur dje në fshatin Doberdol të Pejës.