Reklamo ketu



Universiteti FON jep 100 bursa për maturantë

Universiteti FON edhe sivjet do të ndajë bursa për 100 maturantë të cilët janë të interesuar të studiojnë në ndonjërin nga fakultetet e Universitetit. Ata paraprakisht duhet të aplikojnë, ndërsa pastaj t’i kalojnë dy testimet e parapara. Nga sivjet Universiteti FON së bashku me partnerët e tij e kanë zgjeruar fushatën për dhënien e bursave mendjeve të rinj nga Maqedonia të cilët janë në kërkim pas arsimit dhe diplomave ndërkombëtare.

Bursat janë të liruara nga detyrimet financiare për studim. Nga Universiteti informojnë se bursistët e FON-it do të punojnë nën sistem të veçantë të mentorit me profesorë dhe ekspertë të huaj. Universiteti do t’i mbulojë të gjitha shpenzimet shtesë në fushën e arsimit joformal dhe praktikë në kompanitë ndërkombëtare. Bursistët duhet të jenë pjesë e biznes inkubatori ku me mbështetje financiare nga Universiteti në Valencia, Milano dhe Uashington do të mund t’i zhvillojnë idetë e tyre të biznesit dhe procese kreative, start-up’s, aplikimet dhe kompanitë.

Maturantët nevojitet vetëm ta plotësojnë formularin që është i kapshëm në faqen e internetit të FON-it. Pas përfundimit të procesit të aplikimit, kandidatët do të kontaktohen nga ana e Universitetit që të marrin instruksione të mëtejshme para testimit të parë.