Kryetari i RDK-së, Vesel Memedi në mënyrë eksprese ka demantuar zërat se është larguar nga Aleanca për Shqiptarët. Ai për Zhurnal thotë se RDK si parti nuk është larguar nga ky koalicion.
“Ne deklarojmë se nuk jemi larguar nga Aleanca për Shqiptarët. Do të duhet t’iu drejtoheni partnerëve tjerë sepse kjo pyetje nuk e ka adresën tek ne”, ishte decid Memedi.
Lajmin në fjalë e demantoi gjithashtu edhe sekretari gjeneral i LR-PDSH-së, Arben Taravari. Ai për Zhurnal tha se Memedi nuk është larguar nga Aleanca për Shqiptarët dhe se ky koalicion është ende kompakt dhe stabil.
“Nuk është e vërtetë se Memedi është larguar nga koalicioni, koalicioni jonë është stabil”, u shpreh Taravari për Zhurnal.
