Qytetarët janë të frikësuar se mund të përsëritet dhuna e 27 prillit, në ditën kur në Kuvend do të formohet Qeveria e re e udhëhequr nga Zoran Zaev, pjesë e së cilës do të jenë BDI, por edhe dy koalicionet e tjera shqiptare Rilindje me BESË dhe Aleanca për Shqiptarët. Por këto dy të fundit nuk dihet se a do të jenë pjesë e ekzekutivit të ri.
Nga ana tjetër, siç mëson INA, ditëve të fundit kanë qarkulluar zëra për mundësinë e përsëritjes së 27 prillit, por një gjë të tillë e ka përjashtuar ministri i brendshëm, Agim Nuhiu, duke theksuar se MPB është në gatishmëri.
