Përgjegjësi për koalicionin “Можеме” i cili rrezikon shëndetin e qytetarëve
Pikë së pari, si çdo qytetar i vendit tonë ndjehemi të indinjuar nga pakujdesia e personave të etur për pushtet, të cilët jo vetëm se kanë shkelur ligjin dhe kanë filluar fushatën para kohës, por edhe kanë rrezikuar shëndetin e qindra qytetarëve!
Kjo sjellje e papërgjegjshme e përfaqësuesve të koalicionit “Можеме” nuk guxon të kalojë në heshtje dhe pa ndëshkimin e merituar.
Derisa qytetarët respektojnë masat për mbrojtje nga virusi, i njëjti fatkeqësisht po u servohet nga ky koalicion si rezultat i papërgjegjshmërisë te tyre. E duke marrë parasysh se partia më e madhe e këtij koalicioni është në qeveri, dhe është po ajo që vendos për masat dhe ndëshkimet e qytetarëve, vlerësojmë se është diskriminuese ndaj qytetarëve që të njëjtët ta kalojnë këtë skandal në heshtje.
Për shkak se shëndeti i popullit është më i rëndësishëm se gjithçka Aleanca për Shqiptarët kërkon përgjegjësi për një sjellje të tillë. Përgjegjësi duhet të ketë sepse në mënyrë të drejtpërdrejt rrezikohet jeta e qytetarit dhe së dyti për shkak të shkeljes së Kodit Zgjedhor. Personat përgjegjës duhet t’i thirrin përgjegjësisë morale dhe ndërgjegjes, ndërkaq koalicioni “Можеме” duhet të kërkojë edhe falje publike për sjelljen e pakujdesshme dhe rrezikun në të cilin i ka ekspozuar qytetarët.
Është për të ardhur keq që çmimin e këtyre veprimeve duhet ta paguajnë qytetarët me shëndetin e tyre!
Aleanca për Shqiptarët,
2 qershor 2020
