Zëvendësministri i Shëndetësisë Asim Musa ishte i ftuar në emisionin “Arti i Financës” në Klan Macedonia për të diskutuar në lidhje me sulmet ndaj mjekëve dhe si të veprohet.
Musa theksoi që dhuna ndaj mjekëve dhe personelit mjekësorë nuk është një risi por është një proces i cili ka rrjedhur me vite, por sipas tij protesta e mjekëve nuk është rruga e drejtë për ta zgjedhur këtë problem.
“Nuk është protesta mënyrë për të zgjedhur një problem mes mjekëve dhe pacientëve, se në fakt nuk ekziston një problem i tillë, nuk janë dy palët në konflikt, mjekët në njërën anë dhe pacientët në anën tjetër, por ka incidente mund të themi që kohëve më të shpeshtuara nga shoqëruesit e pacientëve ndaj personelit mjekësorë” – theksoi Asim Musa – Zëvendësministër i Shëndetësisë.
