Bekim Tateshi:Skandalet vazhdojnë, kërkojmë dorëheqjen e ministrit

​Duke shfrytëzuar mjegullirat e problemit me emrin e shtetit dhe marrëveshjen me Greqinë, ministri i shëndetësisë Venko Filipçe vazhdon me avazin e tij duke shpallur tendera me rregulla nga e kaluara e kësaj rradhe me vlerë prej hiq më pak se 35 milionë euro. Ky tender skandaloz që rrjedh nga projekti për centralizimin e laboratoreve biokimike në nivel qendror është shumë i dyshimtë pasi që kompania fituese do ketë monopol mbi gjithë biznesin me aparate dhe reagense biokimike në periudhë prej tre vjetë.
​Që gjithçka të jetë edhe më e dyshimtë dhe skandaloze është fakti se tenderi në fjalë është ashtu i përpiluar që fituese të jetë një kompani e dyshimtë e cila ekziston jo më shumë se katër muaj dhe udhëheqet nga njerëz në moshë të re dhe pa përvojë në këtë lëmi, por edhe në shëndetësi në përgjithësi.
​Departamenti i Shëndetësisë i Aleancës për Shqiptarët kërkoi që ky projekt të ndërptitet menjëherë duke propozuar që më së pari të formoheshin grupe të ekspertëve të cilët do të regjistronin aparatet egzistuese, frekuencën dhe sasinë e punës të çdo laboratori biokimik, numrin e popullatës që mbulojnë dhe numrin dhe kualifikimet e të punësuarve në këtë fushë.
​Aleanca për Shqiptarët duke u bazuar në parregullsitë e shumta në këtë tender por edhe në skandalet e tjera nga fillimi i mandatit, KËRKON DORËHEQJEN E MINISTRIT TË SHËNDETËSISË, si akt moral ndaj popullatës që merr shërbimet më të dobëta në regjion.

Aleanca për Shqiptarët
Departamenti i Shëndetësisë

In : Aktuale

Loading...
loading...