Deputeti i Bashkimit Demokratik për Integrim, Branko Manojllovski për Agjencinë e Lajmeve Zhurnal ka përgënjeshtruar zërat se ai do ta braktisë BDI-në dhe do të kalon në parti tjetër të re.
Gjatë fundjavës në disa media u publikua lajmi se deputeti në fjalë do të kalon në partinë e re të veprimtarit Gafurr Adili. Mediumet në fjalë kanë shkruajtur se deputeti ka pasur takim konsultativ me Gafurr Adilin.
Por Branko Manojllovski për Zhurnal u shpreh i habitur dhe shkurt u përgjigj: “Për së pari herë po dëgjoj një gjë të tillë. Jam i lumtur në partinë time”.
Ai mes tjerash thotë se lajmet që janë plasuar për të nuk i ka lexuar, dhe shprehet i habitur nga lajme të tilla totalisht të pavërteta.
