“Çfarë udhëtimi!” – fjalët e para të astronautëve pas rikthimit dramatik në Tokë

“Çfarë udhëtimi!” – këto ishin fjalët e para që Kontrolli i Fluturimit dëgjoi nga ekuipazhi i misionit Artemis 2, menjëherë pas uljes së tensionuar të kapsulës Orion në Oqeanin Paqësor, pranë San Diego, SHBA.
Pak çaste më vonë, komandanti Reid Wiseman konfirmoi gjendjen e ekipit: “Jemi stabilë, 4 anëtarë të gjelbër të ekuipazhit”, një term që në gjuhën e misioneve nënkupton gjendje të shkëlqyer shëndetësore.
Nga Kontrolli i Misionit u raportua për një ulje të përkryer, ndërsa zëdhënësit e operacionit e cilësuan rikthimin si të saktë dhe të suksesshëm.
Ekuipazhi i përbërë nga Reid Wiseman, Victor Glover, Christina Koch dhe Jeremy Hansen hyri në atmosferën e Tokës në orën 20:07 sipas kohës lindore, duke udhëtuar me një shpejtësi marramendëse – 32 herë më të madhe se shpejtësia e zërit.
Zbritja e zjarrtë e kapsulës kujtoi rikthimet historike të misioneve Apollo program në vitet ’60 dhe ’70, duke rikthyer emocionet e epokës së artë të eksplorimit hapësinor.
Sipas të dhënave të NASA, misioni Artemis 2 zgjati gjithsej 9 ditë, 1 orë, 31 minuta dhe 35 sekonda.