Mbi 70 maturantë shqiptarë sivjet kanë përfunduar arsimin e mesëm në Dibër dhe se çdo vit ka rënie drastike të numrit. Nga tre shkollat e mesme në kuadër të komunave Dibër, Mavrovë dhe Qendër Zhupë, maturën e kanë përfunduar 165 maturantë. Sipas të dhënave vetëm në Dibër janë 110 maturantë, ndërsa pjesa tjetër nga komunat fqinje.
Këto shifra sipas Ministrisë së Arsimit janë shqetësuese për shkak të rënies së vazhdueshme të numrit të nxënësve shqiptarë nga shkollat e Dibrës. Edhe këtë vit ka pasur fluks të madh të familjeve dhe të të rinjve që po braktisin këtë qytet.
