Menaxheri i “ESM Molika” Manastir, Goran Iskov, së bashku me disa nga personat përgjegjës të punësuar, ka kryer një inspektim dhe pranim teknik të kampingut “Livadhishte” në fshatin Radozhdë të Strugës.
Në bashkëpunim me kompaninë që po kryen punimet, është konstatuar se projekti është në fazën përfundimtare dhe rikonstruksioni i plotë i kampingut pritet të përfundojë gjatë muajit të ardhshëm.
Me këtë, kampingu “Livadhishte” do të hapet për të gjithë vizitorët vendas dhe të huaj, duke ofruar kushte moderne dhe të rinovuara për qëndrim dhe pushim, njoftojnë nga “ESM Molika”.
