Kampionia e Kosovës Drita e Gjilanit ka shkruar historinë, pasi mundi 2:0 Sileksin në Shkup duke u bërë skuadra e parë nga Kosova që kualifikohet në raundin e tretë kualifikues të Liga Europës. Pjesa e parë u mbyll me rrjeta të paprekura, ndërsa zhbllokimi i rezultatit erdhi në minutën e 48-të kur Fidan Gërbeshi shënon nga pika e bardhë për epërsi 1:0 të Dritës.
Të përzgjedhurit e Ardian Nuhiut nuk u ndalën me kaq, pasi në minutën e 80-të me anë të Ardian Limanit ngritën epërsinë në 2:0.
Në minutën e 78-të Hristijan Grozdanoski u përjashtua nga loja pas u ndëshkua me kartonin e dytë të verdhë duke lënë ekipin e tij me një lojtar më pak në fushë.
Ndryshe Drita e Gjilanit në raundin e tretë eliminator të Liga Europës do të përballet me Legian e Varshavës.
