Fatlum Zhuta boksieri nga Veleshta: Jam gati që të ndeshem me meksikanin

Vetëm edhe 9 ditë po na ndajnë nga dueli i shumëpritur që do të zhvillohet në Oregon, në mes struganit Fatlum Zhuta dhe meksikanit  Rafael Valencia.

“Gjithçka është gati edhe 9 dite kane mbetur. Përgatitjet shkojnë shumë mire kurse unë nga Alaska për në Oregon do të udhëtoj me 18 maj, pasi kam nevoj të paktën 2 ditë të ambientohem. Ndryshe, përgtatijet kryesisht po i zhvilloj në Anchore të Alaskës, kurse ndonjëherë udhëtoj edhe në Uashington për sparinge me boksier më cilësor dhe nën përkujdesën e trajnerit Bret Sumner i cili gjithashtu ishte kampion në të kaluarën. Por pëtgatitjet i zhvilloj edhe me Daniel Cho. Sa i përket kundërshtarit tim ai është një meksikan i cili si boksier është shumë i papërshtatshëm, por unë jam i përgatitur mirë kështu që besoj se do të arrij deri tek fitorja”, deklaroi për “Arena Ring”, Fatlum Zhuta.