Gjatë 24 orëve të fundit me koronavirus janë infektuar 1174 persona. Sipas këtyre të dhënave betejën me Koronavirusin e kanë humbur 42 persona, 15 prej të cilëve vetëm në Shkup. 4 viktima janë regjistruar në Kumanovë, nga tre viktima janë regjistruar në Prilep, Strumicë dhe Koçan. Nga 2 viktima janë regjistruar Manastir, Gostivar, Kavadar, Shtip dhe Ohër.
Ndërsa nga një viktimë janë regjistruar në Tetovë, Veles, Kriva Pallankë dhe Vinicë. Ndërkohë nga 4 598 teste të realizuara 1 174 persona kanë rezultuar pozitivë, prej të cilëve 430 vetëm në Shkup.
Sipas Ministrisë së Shëndetësisë në 24 orët e fundit janë regjistruar edhe 811 persona të shëruar, ku gjysma prej të cilëve në kryeqytet. Rastet aktive për momentin në vend janë 22 485.
