Një bankë e nivelit të dytë ra pre e grabitjes ditën e sotme në Durrës, pranë stacionit të trenit, ku, sipas policisë, një person i maskuar u fut dhe mori 100 mijë lekë.
Ngjarja ndodhi rreth orës 14:24, ndërsa paraprakisht dyshohet se personi, ende i paidentifikuar, e ka kryer grabitjen nën kërcënimin e një sendi të ngjashëm me pistoletë lodër.
Policia ka nisur menjëherë punën për zbardhjen e ngjarjes, identifikimin dhe kapjen e autorit, ndërsa në kontroll të zonës është angazhuar edhe FNSH dhe forca e posaçme “Shqiponjat”.
