Familjarët e viktimave që humbën jetën në aksidentin tragjik që ndodhi në Bullgari thonë se nuk kanë asnjë informacion se kur do të mund t’i marrin trupat e pajetë. “Presim lajme prej autoriteteve bullgare dhe autoriteteve tona, por deri tani nuk ka asgjë të saktë. Nuk e dijmë as kur do të bëhet varrimi sepse gjithçka varet nga ajo se kur do të kthehen trupat e viktimave”, tha Sabatin Nuhiu, fqiu i familjes Nuhi nga Shkup e cila humbi 12 familjarë në këtë tragjedi.
