Lufta e subjekteve shqiptare, e inteligjencies së frikësuar, e shoqatave që figurojnë vetëm në letra, por edhe e shumë faktorëve tjerë që janë kapluar nga letargjia, do të duhet të jetë luftë për ngjalljen e shpresave të popullit, për kthimin e besimit, optimizmit. Duhet të marrë fund funksionimi i klaneve, i grupeve të caktuara, duhet të marrë fund mentaliteti provincial, bajraktarizmi, duhet demaskuar përfituesit që keqpërdorin emocionet e popullit, analfabetët funksional, intrigantët, injorantët… Shqiptarët s’do të humbim asgjë nëse ia fillojnë nga pika zero, sepse edhe ashtu janë në minus të madh. Akoma nuk është vonë, ndonëse koha po i shkel pa mëshirë…
