Ministri i Ekonomisë, Kreshnik Bekteshi sot në Strugë do të ketë takim me përfaqësuesit e Asociacionit të hoteleve, restoranteve, kafiterive dhe auto-kampeve HOTAM, të kryesuar nga kryetari Kërste Bllazhevski.
Në takim, siç informojnë nga Ministria e Ekonomisë, do të diskutohet lidhur me përgatitjet për sezonin turistik si dhe për në interesin e qytetarëve për shfrytëzimin e masës së Qeverisë për mbështetjen e turizmit vendas, dedikuar punëtorëve me të ardhura të ulëta, përmes thirrjes publike të publikuar nga Ministria e Ekonomisë, me afat aplikimi deri më 31 maj 2018.
