Kryetari i Komisionit për Sëmundje Infektive, Zharko Karaxhovski është pozitiv në koronavirus. Informatën pasditen e sotme e ka bërë të ditur Ministria e Shëndetësisë.
Prej atje informojnë se Karaxhovski ndihet mirë dhe mbetet në izolim shtëpiak. Në izolim është edhe bashkëshortja e tij.
“Sipas anketave epidemiologjike, këto ditë dr. Karaxhovski nuk ka pasur kontakte me anëtarët e tjerë të familjes së gjerë, kolegë nga ISHP dhe as me anëtarët e Komisionit për Sëmundje Infektive”, thonë nga Ministria e Shëndetësisë.
