Sipas statistikave të qeverisë së Shteteve të Bashkuara, të fluturosh me një aeroplan është jashtëzakonisht më e sigurt se sa të drejtosh një makinë.
Të dhënat nga Administrata Kombëtare e Sigurisë së Trafikut në Autostradë, tregojnë se në vitin 2015, kishte 32,166 aksidente automobilistike fatale që çojnë në pak më shumë se 35,000 vdekje. Kjo rezulton të jetë afro 11 persona për çdo 100,000 banorë të SHBA-së.
Nëse i krahasojmë këto numra me aksidentet ajrore në SHBA të regjistruara nga Bordi Kombëtar i Sigurisë së Transportit: Në vitin 2015, statistikat paraprake zbuluan gjithsej 27 aksidente ku asnjë prej tyre nuk ka qene fatale.
E thënë ndryshe: Amerikanët kanë një shans 1 në 114 për të vdekur në një aksident automjeti, sipas Këshillit Kombëtar të Sigurisë. Shanset për të vdekur në incidente të transportit ajror dhe hapësinor, të cilat përfshijnë fluturime private dhe taksi ajrore, janë 1 në 9,821. Kjo është pothuajse tre herë më shumë shanse sesa ju të përmbushni fatin tuaj duke u mbytur në ushqim.
Në terma të pastër statistikor, është më e rrezikshme të drejtosh një makinë sesa të fluturosh me avion. Por është e lehtë të shihet pse publiku shpesh supozon ndryshe. Aksidentet automobilistike mund të ndodhin çdo ditë në Shtetet e Bashkuara, por shumë prej tyre janë të vogla me pak ose aspak dëmtim. Rrëzimi i aeroplanit, nga ana tjetër, mund të jetë ngjarje katastrofike, vdekjeprurëse.
Thënë kështu, linjat ajrore inspektojnë me përpikëri pajisjet e tyre dhe punësojnë pilotët e trajnuar profesionalisht për të siguruar një fluturim të qetë çdo herë.
