Banorët e fshatit Llabunishtë të Strugës u kërcënuan se nga java e ardhshme do të bllokojnë rrugët, punën e guroreve dhe njoftuan për bojkotim të mësimit në shkollën lokale. Ata kërkojnë që shteti, siç thonë ata, të mbajë në fjalën e dhënë, për mbyllje të të gjitha guroreve, që janë në afërsi të shtëpive të tyre. Ministri i Ekonomisë, Kreshnik Bekteshi, gjatë një vizite në Llabunishtë në fillim të gushtit u premtoi atyre se do ta zgjidhnin problemin dhe t’i mbyllnin ato brenda 30 ditësh. Por, ata thonë se po ndodh e kundërta.
Kemi pritur 30 ditë, kemi pritur plus 15, por deri më tani nuk kemi përgjigje. Deri më tani kemi kaluar në protesta paqësore, por tani e tutje unë do t’ju kërkoja të jenë më radikale. Ne duhet ta zgjidhim vetë këtë situatë, sepse nuk ka asgjë nga qeveria e Zaevit. Për t’u bërë gjërat më keq, është planifikuar që javën e ardhshme mos t’i dërgojmë fëmijët tanë në shkollat fillore dhe ato të mesme – tha Alim Saloski, kryetar i Shoqatës ekologjike Naturalab.
“Të njëjtat gurore kanë intensifikuar punën e tyre në dy muajt e fundit. Jo siç kanë punuar më parë, por dy herë më shumë “.
Banorët dyshojnë se pluhuri, që ata thithin nga guroret çdo ditë është gjithashtu shkaku i rritjes së numrit të sëmundjeve malinje dhe sëmundjeve të traktit respirator. Ata thonë se guroret jo vetëm që ndotin ajrin, por edhe fushën ku prodhojnë ushqim.
“Unë nuk e di se çfarë do të bëjmë më tej. Jemi shumë të ndotur nga guroret dhe mbeturinat. Askush nuk po vjen. Askush nuk pyet asgjë. Vetëm gjatë votimeve vijnë këtu. Vetëm votat u interesojnë”.
“Të gjitha janë instaluar 200 deri 300 metra rreth lagjes. Dhe ky është vërtet një problem. Ju mund të shihni vetë se cila është gjendja e rrugës nga guroret, ka pluhur në një shkallë të paparë. “
Sipas ministrisë së ekonomisë, me gjasa koncesionet nuk do tu merren.
„Më datën 05.08.2019, Inspektorati shtetëror për inspektim teknik, kreu mbikëqyrje të jashtëzakonshme teknike te të gjithë koncesionerët. Te njëri koncesioner është konstatuar se ka kushte për shkëputje të njëanshme të marrëveshjes për koncesion, ndërsa te të tjerët janë konstatuar shkelje dhe janë shqiptuar gjoba. Por, sipas llojit të shkeljeve të konstatuara të njëjtët nuk janë bazë për shkëputje të marrëveshjes për koncesion. Te njëri koncesioner do të bëhet kontroll shtesë, sepse për momentin ka ndërprerje të punimeve në minierë”, thonë nga Ministria e Ekonomisë.
Në territorin e komunës së Strugës, janë ndarë gjithsej 21 koncesione për eksploatim të materialeve të para minerale nga të cilat gjashtë janë në Strugë. Nga partia për Ripërtëritje Demokratike, thonë se për sa kohë që institucionet vazhdojnë të injorojnë, ata do të paraqesin kallëzime penale për rrezikimin e shëndetit të njeriut kundër atyre, që janë përgjegjës. Në Llabunishtë jetojnë më shumë se 9,000 banorë.
Miki Trajkovski
