Lidhja Social Demokrate e Maqedonisë (LSDM) sërish ka apeluar te partia opozitare maqedonase VMRO-DPMNE-ja, që të prononcohet për referendumin. Nga LSDM kanë potencuar, se ardhmëria është e njëjtë, dhe nuk njeh dallime etnike, religjioze dhe partiake, njofton Portalb.mk.

“Maqedonia u përcaktua! Partitë politike, qytetarët, organizatat joqeveritare, janë përcaktuar për ardhmërinë e Maqedonisë në BE dhe NATO. Ardhmëria është e njëjtë, dhe ajo nuk njeh dallime etnike, religjioze dhe partiake. Është koha që të gjithë të jemi njëzëri për interesin tonë nacional dhe strategjik. Në interes të ardhmërisë, të gjithë duhet të bëhen pjesë, të dalin dhe të votojnë “për” Maqedoni evropiane”, thuhet në kumtesën e LSDM-së.