LSDM sot pasdite përmes një kumtese thekson se zgjedhje të reja parlamentare nuk do të ketë dhe se do të zgjidhet kryetari i ri i Kuvendit i cili do t’i hapë rrugë zgjedhjes së qeverisë së re. “Ky është vullneti i 700.000 qytetarëve i shndërruar në shumicën e re parlamentare të prëbërë prej 67 deputetëve”, thekson LSDM, duke shtuar se zgjedhjet e parakohshme i nevojiten vetëm liderit të VMRO-DPMNE-së, Nikolla Gruevskit që ta vazhdojë krizën politike përmes së cilës kërkon shpëtim nga përgjegjësia për krimin e kryer.
LSDM thekson se nuk ekziston kurfarë platforme por ka program për qeveri të re reformuese dhe në të nuk ka ndryshim të himnit, flamurit, stemës, banknotave, emrit, as dëme ndaj gjuhës maqedonase si gjuhë zyrtare në Republikën e Maqedonisë. “Ja përmbajtja e programit, publikisht e kapshme http://sdsm.org.mk/News.aspx?idNews=7681&lng=1. Zgjedhjet e parakohshme i nevojiten vetëm Gruevskit, që ta vazhdojë krizën politike përmes çka sheh shpëtim nga përgjegjësia për vjedhjen popullore. Nuk do të ektë zgjedhje të reja. Do të ketë punësime të reja, për 100 herë mbështetje më të madhe shtetërore për ndërmarrjet vendore, investime reale të huaja, jetë për të gjithë, drejtësi, unitet, stabilitet, të ardhme euro-atlantike të Maqedonisë që do t’u sigurojë qeveria e re reformuese qqytetarëve të Maqedonisë unitare”, qëndron në kumtesën e LSDM-s
