Masat dhe protokollet për votim

Sot në Maqedoninë e Veriut do të votohet në pajtim me udhëzimin e KSHZ-së dhe protokollet e Komisionit për Sëmundje Infektive, të cilat parashikojnë  masa të mbrojtjes  në vendvotime,  për anëtarët e  këshillit zgjedhor të cilët e realizojnë votimin, si dhe për votuesit.

– Sipas protokollit  për votim, së pari policia  në derën e hyrjes  së vendvotimit  do të kërkojë nga votuesit të vendosin maska mbrojtëse.

– Pas hyrjes në objekt,  rendi për votim pritet në distancë.

– Gjatë hyrjes në hapësirën, votuesi së pari i dezinfekton duart, dhe e dorëzon letërnjoftimi te komisioni zgjedhor.  Për kohë të shkurtër e zbret maskën për identifikim, voton dhe gjatë daljes sërish i dezinfekton duart.

– Në hapësirën e votimit nuk mund të ketë  njëkohësisht  më shumë votues nga numri i tërësishëm i paravanëve për votim.

– Nuk mund të votojë një person  i cili nuk do të ketë maskë ose refuzon ta largojë nga fytyra për identifikim.

Votimi i zgjedhjeve parlamentare sot për shkak situatës së krijuar me virusin korona do të vazhdohet  për dy orë dhe vendvotimet do të jenë të hapura deri 21:00.

Anëtarët e KZ-së dhe të gjithë personat  të cilëve u është lejuar të jenë të pranishëm gjatë hapjes së kutive të votimit dhe mbledhjes së rezultateve duhet të mbajnë maskë mbrojtëse, te posedojnë doreza dhe distanca e cila duhet të jetë minimum prej 1,5 metra.  Gjithashtu distancën prej 1,5 deri në dy metra gjatë hyrjes në vendvotim dhe gjatë daljes nga ai duhet ta mbajnë edhe votuesit.

In : Aktuale

Loading...
loading...