Distancimi social, higjiena e duarve dhe mbajtja e maskës janë shumë efikase në reduktimin e riskut të infektimit me Covid-19. Konfirmimi vjen nga një studim i Universitetit të Oksfordit.
Pjesë e studimit ishin më shumë se 800 persona, të cilët janë pyetur lidhur me respektimin e distancimit social, higjienës personale dhe mbajtjes së maskës.
Përgjigjet e tyre mbështesin këshillat e vazhdueshme të ekspertëve dhe mjekëve. Mbajtja e maskës redukton rrezikun e infektimit me Covid-19 me 77%; dezinfektimi i shpeshtë i duarve ul rrezikun me 66%; dhe ruajtja e distancës fizike mbron më tepër me 85%.Autorët e studimit shprehen se në mungesë të një vaksine, këto janë mjetet e vetme efikase për t’u mbrojtur nga koronavirusi i ri.
