Mendi Qyra: Nga Labënishta drejt një Struge që shndërron pasuritë natyrore në krenari të turizmit”

Kandidati për kryetar të Komunës së Strugës, Mendi Qyra, gjatë vizitës së tij në Labënisht, theksoi pasuritë e jashtëzakonshme natyrore që ofron ky fshat dhe bjeshkët e tij. “Dy liqenet akullnajore, shtigjet malore, burimet e ujit të ftohtë, bimësia e rrallë dhe tradita e blegtorisë janë një pasuri unike që duhet të shndërrohen në motor të turizmit malor dhe krenari të Strugës,” tha Qyra.

Ai u shpreh se mungesa e vizionit dhe e investimeve deri më tani ka bërë që kjo mrekulli të mbetet e pashfrytëzuar, por shtoi se me një qeverisje të përgjegjshme, Struga ka mundësi të kthejë këto resurse në zhvillim të qëndrueshëm dhe promovim turistik në nivel ndërkombëtar.