Muaj apo vjet? Sa do të zgjasë lufta në Ukrainë!

Nga Andrea Marinelli/Corriere della Sera

Sipas Pentagonit, rusëve do t’u duhen nga 4 deri në 6 javë për të marrë kontrollin e vendit. Megjithatë, konflikti, sipas SHBA, do të vazhdojë për një kohë të gjatë, madje 10-20 vjet, dhe nuk do të ketë një rezultat pozitiv për trupat e Putinit.

Lufta në Ukrainë nuk po shkon ashtu siç e kishin planifikuar në Moskë. Trupat e Putinit nuk e prisnin rezistencën ushtarake dhe civile që ka ngadalësuar përparimin tani për tani: fillimisht u mendua për një luftë rrufe. Të paktën deri të martën më 1 mars, asnjë nga objektivat e Rusisë nuk u arrit. Qyteti i parë i madh që ra ishte Kherson, dy ditë më vonë, më 3 mars.

Vështirësitë, logjistike dhe ushtarake, të hasura në shtatë ditët e para të betejës e detyruan Kremlinin të ndryshonte ‘lojë’: nëse fillimisht trupat e Putinit kishin pasur një qasje më të kujdesshme, për të kufizuar humbjet dhe për të mos shkaktuar shumë viktima civile, tani po sulmohet gjithçka.

Cari është i pakënaqur dhe kërkon rezultate. Raketat, armët e rënda dhe të pasakta bien mbi Kharkiv, të cilat godasin rëndë edhe civilët. Më pas është një kolonë automjetesh ruse, mbi 60 kilometra e gjatë, e cila nga njëra anë tregon fuqinë e ushtrisë ruse dhe nga ana tjetër nxjerr në pah kufijtë e saj.

Ekspertët ushtarakë thonë se është ende herët për të hartuar trajektoren e luftës.StrugaLajmStrugaLajm

Megjithatë, duke studiuar fushën e betejës dhe atë që ndodhi në javën e parë, Pentagoni ka vlerësuar se, për të marrë kontrollin e Ukrainës, rusëve u duhen 4-6 javë: sipas Ministrisë Amerikane të Mbrojtjes, trupave ruse do t’u duhet rreth një muaj për të marrë kontrollin e Kievit.

Megjithatë, nga Uashingtoni nuk është e qartë se çfarë taktike do të përdorin rusët: nëse ata do ta mbytin gradualisht qytetin, do të ndërpresin furnizimet apo do të luftojnë rrugë më rrugë.StrugaLajm

Analistët pyesin se sa gjatë do të jenë në gjendje të rezistojnë forcat ukrainase dhe, mbi të gjitha, sa do të zgjasin furnizimet, ushtria dhe ushqimi. Një parashikim i zymtë: brenda një jave do t’u mbarojnë municionet.

Mbetet gjithashtu për t’u parë nëse rusët do të kufizohen në pushtimin e Kievit dhe pjesës lindore të vendit, apo nëse më pas do të synojnë Lviv dhe do të arrijnë në kufirin polak.

Situata është dinamike.

Megjithatë, aleatët e NATO-s besojnë se forcat ukrainase mund të rezistojnë për një kohë të gjatë: ndërsa rusët nuk janë mësuar me fushën e betejës dhe shumica e ushtarëve as që e dinin se do të shkonin në luftë në Ukrainë, ushtria e Kievit është angazhuar.

Për më tepër, barra e sanksioneve mund të fillojë të ndihet mbi forcat ruse.

Sipas Ministrisë së Jashtme britanike, konflikti mund të vazhdojë për 10 vjet, ndërsa Pentagoni, në përditësimin e tij të martën për anëtarët e Kongresit, foli për një luftë “që zgjat nga 10 deri në 20 vjet, të cilën rusët, në fund , do ta humbasin.

In : Aktuale

Loading...
loading...