Në Qafë-Thanë,arrestohet bullgarja me 21 pako drogë (FOTO)

Policia kufitare në pikën e kalimit të Qafë Thanës ka sekuestruar pasditen e kësaj të enjteje një sasi lënde narkotike të llojit kanabis, si dhe ka arrestuar një shtetase bullgare që po kryente transportin e saj.

Sipas një njoftimi për shtyp nga drejtoria lokale e policisë, në pranga ka rënë Maria Piskova, 28 vjeç, e lindur në Bullgari.

Lënda narkotike që ajo po transportonte ishte e ndarë në 21 pako, që ishin fshehur tek pjesa përpara parakolpit të makinës që ajo drejtonte, shkruan Top Channel.

Sipas njoftimit, gjatë kontrollit të automjetit Piskova ka shfaqur shenja tensioni, gjë që ka detyruar agjentët të bënin dy kontrolle të saj. Gjatë kontrollit të dytë u gjet edhe droga.

Peshimi i lëndës narkotike do të kryhet në Drejtorinë e Policisë së Korçës, ndërkohë që materialet hetimore i kanë kaluar Prokurorisë së Krimeve të Rënda në Tiranë.

1491423630_bull1

In : Aktuale

Loading...
loading...