Shqiptarja e re Elida Osmani (19), në nëntor të vitit 2017 e humbi jetën pasi dentisti K. S. (81) e goditi pa frenuar fare, në një kalim për këmbësorë në Lenzburg AG të Zvicrës. Të enjten, ndaj vozitësit vdekjeprurës është zhvilluar procesi gjyqësor.
81-vjeçari i akuzuar, mbrëmjen e 6 nëntorit 2017, në Lenzburg AG, me veturën e tij e kishte goditur Elidën në një kalim për këmbësorë, pa frenuar fare, me shpejtësi prej rreth 58 kilometra në orë dhe të paktën 0.2 promila alkool në gjak. 19-vjeçarja shqiptare ishte hedhur 19 metra larg dhe më vonë vdiq nga plagët e pësuara. Prokuroria Lenzburg Aarau ka ngritur akuzë kundër zviceranit 81-vjeçar për vrasje nga pakujdesia. Sipas deklaratave të saj, pensionisti nuk e kishte pasur mendjen te vendkalimi i këmbësorëve, por në një dritë rreth 250 metrash largësi. Pra, ai e ka shpërfillur vigjilencën e duhur. Ajo ka kërkuar një burgim të pakushtëzuar prej 15 muajsh dhe një gjobë prej 100 frangash.
Përpara gjykatës, i akuzuari u paraqit në një kostum. Ai duket shumë elegant, ka flokë të shkurtër gri, një tullac në pjesën e pasme të kokës. Para gjykatës hesht. Kur gjykatësja filloi me pyetjet, ai i pëshpëriti avokatit të tij: “I tregoni asaj se nuk do t`u përgjigjem pyetjeve. Nuk mund të prononcohem për këtë rast”. Prandaj, marrja në pyetje u anulua.
Vetëm diçka ka thënë i akuzuari:”Unë kërkoj falje për atë që ka ndodhur. Më vjen shumë keq, por nuk e pashë. Natyrisht, po ta kisha vënë re, do të kisha ngadalësuar”.
Prokurori akuzon të pandehurin se ai në veçanti kishte vozitur në mënyrë të pamëshirshme dhe vëmendja e tij qëllimisht nuk e ka pasur në vendkalimin e këmbësorëve dhe kështu e ka anashkaluar këmbësoren. “Mund të thuhet në një lloj fluturimi të verbër”. Pasi i akuzuari ka vozitur pa patentë shoferi, dëshmon në ndërgjegje të paskrupullt. Ajo i ishte tërhequr për shkak të vozitjes së shpejtë.
Zyra e prokurorit publik kërkon dënim për vrasje të pakujdesshme. Bile, avokati i familjes së viktimës ka kërkuar dënim për vrasje të qëllimshme. Sjellja e të akuzuarit ishte e pamëshirshme.
Avokati i familjes së viktimës e ka përshkruar ngjarjen me mbresëlënie se si familja e ka përjetuar rastin. Para aksidentit, nëna ka pasur kontakte përmes telefonit me vajzën e saj, e cila më vonë bdiq. Në telefonatën e katërt, vajza tha se do të mbërrinte në shtëpi për dy minuta. Thirrja e pestë telefonike disa minuta më vonë, mbeti vetëm si tentativë. Nënës i lindi një “ndjenjë të keqe” dhe me bashkëshortin shkoi në kërkim të vajzës. Në vendngjarje gjetën një protofol, telefonin celular dhe këpucët. Ajo e humbi vetëdijen. Më vonë, e priste lajmi tragjik i mjekëve në spital.
Avokati mbrojtës kërkon shfajësim për vrasje të pakujdesshme. I akuzuari duhet të ndëshkohet vetëm për ngasje të veturës pa patentë shoferi me gjobë të kushtëzuar.
Ai gjithashtu ka kritikuar në mënyrë masive vlerësimet e ndryshme. Ato janë të pakuptueshme në shumë pika. Sipas raportit, shpejtësia e përplasjes u vlerësua “sipas rregullave të gishtit, një rregull që nuk përcakton saktë rrethanat e aksidentit”. Një gjë e tillë është e pamundur të përdoret në mënyrë juridike.
Sa i përket klientit të tij, ai nuk është një huligan pa ndjenja i trafikut. Kjo mund të shihet, për shembull, në letrën e shkruar me dorë që ai i dërgoi familjes së viktimës. Ata nuk kanë dashur kontakt të drejtpërdrejtë. Në të ai ka shkruar se i vjen pafundësisht keq dhe se vdekja e ka prekur shumë.
Në ndërkohë, është shkaktuar një zënkë, me ç`rast një i afërm i ri i viktimës u ka bërtitur të pandehurit dhe avokatit mbrojtës. Nuk ka të bëjë me çështjen se sa larg është hedhur viktima, por se ajo nuk është më e gjallë, njofton Shtegu.com.
Gjykata shqiptoi aktgjykimin: Pensionisti është dënuar për vrasje të pakujdesshme me një gjobë të kushtëzuar me 300 mëditjesh me nga 200 franga, plus një gjobë prej 10’000 frangash zvicerane.
