Vaji nëpër disa markete në Shkup në mëngjes vendoset në rafte, deri në drekë harxhohet, shkruan portali Faktor.
Më tej nënvizohet se disa nga produktet bazë, veçanërisht vaji i gatimit dhe mielli, makaronat dhe konservat e mishit po zhduken në tregjet më të mëdha dhe në ato më të voglat, të cilat janë më të rralla në disa zona urbane dhe rurale, pothuajse çdo ditë në vetëm pak orë e gjithë sasia blihet.
Mungesa e vajit për gatim dhe miellit tashmë është e përditshme në qytetet më të vogla, por këto ditë nuk ka në disa nga marketet e Shkupit gjatë natës.
Faktor nuk ka arritur të gjejë vaj për gatim në disa markete në një lagje të Shkupit mbrëmë në orën 20:00. Marketet thanë se sigurisht që marrin sasi më të vogla, por edhe se vaji i gatimit konsumohet në dy-tre orë.
“Blerësit marrin pako të tëra dhe sasitë i konsumojmë shpejt. Nuk është se kemi aksione që i fshehim, por nuk i kemi fare. Nëse doni të blini ejani nesër në mëngjes, na thanë.
Tregtarët dëshmojnë se më shumë blihet nga produkte të tjera bazë, duke përfshirë letra higjienike dhe disa produkte bazë higjienike, por gjithsesi kryesisht vaj gatimi, miell dhe makarona.
Në terren janë edhe inspektorët nga Inspektorati Shtetëror i Tregut. Institucioni thotë se përcaktojnë që tregtarët të mos mbajnë stoqe, por për shkak të kërkesës shpenzojnë gjithçka që sjellin. Për momentin bëjnë edhe kontrolle të lidhura, pra kontrollojnë fillimisht prodhuesit e një produkti dhe menjëherë pas kësaj si shitet në pakicë. Prodhuesit e vezëve janë aktualisht nën kontroll. Sa i përket çmimeve dhe respektimit të ndryshimeve në Ligjin për TVSH-në, kontrollohet nga Drejtoria e të Ardhurave Publike. Nga atje dje kanë bërë të ditur se kanë përfunduar kontrollet në marketet KAM, por asnjë nga dyqanet e këtij rrjeti nuk është vulosur.
