Antropologu Joel Martin Halpern (1929-2019) është i njohur për studimet e tij mbi modernizimin e Ballkanit. Ai e ka vizituar disa herë edhe Ohërin tonë, duke realizuar shumë fotografi që janë një makinë e vërtetë kohe për qytetin shumë vite më parë.
– Pas studimeve bachelor në histori në Universitetin e Miçiganit (BA, 1950), Halpern u regjistrua në programin prestigjioz të antropologjisë në Kolumbia, ku mori doktoraturën në vitin 1956 për studimin e fshatit Orashac në ish-Jugosllavi. Ky studim u bë baza e librit të tij të parë, Fshati serb (N.J., 1958). Pas dy vitesh punë në Laos si oficer i shërbimit të terrenit në Departamentin për Zhvillimin e Komunitetit të Administratës për Bashkëpunim Ndërkombëtar të SHBA-ve, Halpern u bë pjesë e stafit akademik në UCLA, Brandeis dhe Qendrën Kërkimore Ruse në Harvard (1965-1967), përpara se të kalonte në UMass Amherst në vitin 1967. Ai ka shkruar dhe redaktuar dhjetëra libra mbi Ballkanin dhe Azinë Juglindore, duke përfshirë Fshati serb në kontekst historik (1972), Komuniteti rural në ndryshim (1967), Fshatarësia në ndryshim e Evropës Lindore (1976) dhe Lindja e Largët afrohet (1989), raporton portali marh.mk, i specializuar në arkitekturë.
Në Maqedoni, Joel Martin Halpern, së bashku me gruan e tij Barbara, realizoi vizita fotografike në vitet 1953, 1962, 1973 dhe 1978 në qytete dhe fshatra të ndryshme të vendit. Më poshtë është një galeri fotografike nga vizita e tij e parë në Ohër në vitin 1954. Joel vizitoi Ohërin edhe në vitet 1962 dhe 1973, por nga këto vizita nuk ka shumë fotografi.
Shikoni disa nga fotografitë:
