Qytetarë të Ohrit dhe përkrahës të VMRO-DPMNE mbrëmë në Ohër kanë mbajtur një protestë kundër shtrenjtimit të energjisë elektrike.
Protestuesit kanë apeluar që të ulet çmimi i energjisë elektrike në këto kushte pandemie, kur qytetarët nuk mund të përballojnë faturat e larta, përcjell INA.
Protesta u zhvillua me makina në formë të marshit, me qëllim të mbrojtjes nga përhapja e koronavirusit. Qeveria vendosi rritjen e çmimit të energjisë për mbi 7,4%, por kjo masë ka hasur në protesta që po zhvillohen në shumë qytete të vendit. (INA)
