Pjesëtarë të forcave policore kanë shtuar praninë pranë banesës së prokurores, Fatime Fetai, e cila ishte pjesë e rastit “Monstra”.
Prania e shtuar policore është vërejtur menjëherë sot pasi që gjykata shqiptoi dënimin final me burgim të përjeshtëm për tre të akuzuarit dhe dënime të tjera me burg për të tjerët për rastin “Monstra”. Fotot janë publikuar nga e përditshmja Lajm në Shkup.
Policët që sillen rreth ndërtesës ku jeton prokurorja Fetai, vërehen edhe ulur në karriget përreth banesës, kurse në trup mbajnë antiplumb, raporton gazeta Lajm. Banorët që jetojnë në këtë ndërtesë thonë se nuk ka nevojë për kësi lloj teatri dhe shprehen të bindur se nuk ka ndonjë rrezik real për sigurinë e prokurores. (INA)
