Prej sot amvisëritë do të mund të gatuajnë, të lajnë rroba dhe të nxehin ujë me rrymë të lirë edhe gjatë ditës e jo vetëm gjatë orëve të natës.
Komisioni rregullatorë së bashku me përfaqësues të EVN-së, ministrisë së ekonomisë dhe kabinetit të zv.kryeministrit Angjushev duhet që të bëjnë ndryshimin e sistemit të tarifimit për shitjen e energjisë elektrike për amvisëritë.
Çmimi i rrymës së lirë është dyfish më i ulët se tarifa normale që e paguajnë amvisëritë. Për momentin, qytetarët përdorin rrymë të lirë çdo ditë pune prej orës 22: 00 deri në orën 07:00 të mëngjesit, për fundjavë, nga ora 22: 00 të shtunën deri në orën 07:00 të mëngjesit të hënën. Së shpejti do te vjen njoftimin për orarin e sakte kur do te jete rryma me cmim te lire.
Qëllimi i qeverisë është që të kthehet rryma e lirë prej dy orëve gjatë ditës, privilegj që u shfuqizua para pesë viteve. Megjithatë, shtrohet dilema se si në këtë rast do të kompensoihen shpenzimet e kompanive energjetike dhe nëse kjo do ta shtrenjtonte rrymën apo diferencën do ta subvencionon shteti.
